IdraaK !

Mujhe abhi bhi dard hota hai,
Par main aj bhi isko zahir yun naheen karti,
K itnay baray jahan main sunaon kisko bhala apni,
Yahan to hal wo hai k,
Guzar jain jo chand log to afsos bhi bhari hai,
Koi mar jaye to ab giran na dil pe guzarta hai,
Na zara afsurdgi ch'hati hai,
Jahan zinda rehnay walon ko saza jeenay ki milti hai,
Or marne walon ko ,
Bhala unka kia tazkira karon main,
K wo begunah lashain kafan ko he tarasti hain,
Lahoo main doobi hoi lashain,
Wo piyaron ki ah’hain or sadain,
Main jab yeh sab sunti hon,
To ansoo poonch kar apne,
farsh se kuch bulndi par asman se zara agay,
Ik nighah e dard k hathon,
Pegham e ilteja rakh kar hawaon k naam karti hon,
K dukh unke baray honge jinke apne gaye honge,
MALIK! to unko sabr ab dena,
Or hosla bakhsh kar hisar apna zara karna,
K wo ashk ankhon main samaye,
Teri imdad k muntazir honge,
Mera kia hai?
Main aglee bar apni phir hajat minmina dongi,
Abhi unki sun le to jinhon ne lashain uthayi hain,
Lahoo main dobay piyaro'n ki qabrain banayi hain,
Aye Allah ab rehm ho in par,
Dukhon k ye satye hain…


- illusiOn~


I was depressed like every other time in start the theme was different but as I wrote it eventually turned to a different destination..