IdraaK !

Mujhe tu apni he khabr naheen ab,
So kia tum se poochon main,
Naheen andaza ab waqt ka aur,
Thakan bas humsafar si hai,
Naheen koi majbori,
Nah he ab zaroorat hai,
Safar mushkil tu hai likin,
Umeed e sehr sath leli hai,
Ab koi naheen hai saath,
Na humdard na he humraz,
Faqt main tanha hon,
Jhurmat main seyahi k,
Na jane subhu kab hogi,
Naya koi chand nikle ga,
Har ik raat akhri hai,
Umeedon ki siskiyan aur main,
Chandni sar par sai’ban ban k chahyi hai,
Abhi to mukmal zaat hai likin,
Jab tum tanha ho jao ge,
Or hum yad ayenge,
Tu ansoon ka rela bahar ayega,
Ussay tab rok lena tum,
suna hai jo bhi jata hai,
wapis phir naheen ata,
Mera jana zarori hai,
Tumhara rukna naheen mumkin!